STHREE SANGAHTAN

ನೈನಾಡ್ ಫಿರ್ಗಜೆಂತ್‌ ಪಾವ್ಶಿಲಿಂಪಾಖ್ವಾಣಾಂ ಕರ‍್ಯೆಂ

ತಾರೀಕ್ 03/08/2025 ವೆರ್‌ಸಕಾಳಿಂ ಮಿಸಾ ಉಪ್ರಾಂತ್ ನೈನಾಡ್ ಸ್ತ್ರಿ ಸಂಘಟಾನಾನ್ ಪಾವ್ಶಿಲಿಂ ಪಾಖ್ವಾಣಾಂ ಕಾರ್ಯಕ್ರಮ್ ಆಸ್ಸಿಸಿ ಸಭಾ ಭವನಾಂತ್ ಮಾಂಡುನ್ ಹಾಡ್ಲೆಂ.ಹ್ಯಾ ಕಾರ್ಯಾಕ್ರಮಾಕ್ ಫಿರ್ಗಜ್ ವಿಗಾರ್ ಮಾನಾದಿಕ್ ಬಾಪ್ ಅನಿಲ್ ಅವಿಲ್ಡ್ ಲೋಬೊ, ಸಿದ್ದಕಟ್ಟೆ ಫಿರ್ಗಜೆಚೆ ವಿಗಾರ್ ಬಾಪ್‌ ದೇನಿಯಲ್‌ ಡಿಸೋಜಾ,ಗೊವ್ಳಿಕ್ ಪರಿಷದೆಚೊ ಉಪಾದ್ಯಕ್ಷ್ ಲ್ಯಾನ್ಸಿ ಡಿಸೋಜ, ಕಾರ‍್ಯದರ್ಶಿ ಇನಾಸ್‌ ರೋಡ್ರಿಗಸ್, ಕೊವೆಂತಾಚಿ ಸುಪಿರಿಯರ್ ಸಿ ಮೊಂತಿ, ಸರ್ವ್ ಆಯೊಗಾಂಚೊ ಸಂಚಾಲಕ್ ವಿನ್ಸೆಂಟ್ ವೇಗಸ್, ಬೆಳ್ತಂಗಡಿ ಸ್ತ್ರಿ ಮಂಡಳಿ ವಾರಾಡೊ ಕರ‍್ಯದರ್ಶಿ ಆ್ಯಶುಜ್ಯುಲಿಯೆಟ್ ಹಾಜರ್ ಆಸ್ಲಿಂ.

ಹಾಜರ್‌ ಆಸ್ಲಲ್ಯಾ ಸರ್ವಾಂಕ್‌ ಅಧ್ಯಕ್ಷಿಣ್‌ನ್‌ ಗುಲೊಬ್ ದೀವ್ನ್ ಸ್ವಾಗತ್ ಕೆಲೆಂ. ಪ್ರಾರ್ಥನ್‌ ಗಿತಾದ್ವಾರಿಂ ಕಾರ್ಯಕ್ರಮ್ ಪ್ರಾರಂಭ್ ಕೆಲೆಂ. ಕೆಂಲ್ಬ್ಯಾಕೊಲ್ಯಾಚಿ ಮಾಣ್ಣಿಕಾತರ‍್ಚ್ಯಾ ಮುಕಾಂತ್ರ‍್ ಕಾರ್ಯಕ್ರಮಾಚೆ ಉದ್ಗಾಟನ್ ಕೆಲೆಂ.

10 ವರ್ಸಾಂ ಸ್ರಿ ಸಂಘಟಾನಾಚಿ‌ ಅದ್ಯಕ್ಷಿಣ್‌ ಜಾವ್ನ್ ಸೆವಾ ದಿಲ್ಲ್ಯಾ ಶ್ರೀಮತಿ ಗ್ರೇಸಿ ಕ್ರಾಸ್ತಾ ಹಾಂಕಾಂ ಸನ್ಮಾನ್‌ ಕಾರ್ಯೆಂ ಚಲೊವ್ನ್ ವ್ಹೆಲೆಂ. 

“ಸ್ರೀ ಸಂಘಟನ್ ಮ್ಹಳ್ಯಾರ್ ಮೊವಾಚ್ಯಾ ಮುಸಾಬರಿ ಆಸೊಂಕ್‌ ಜಾಯ್, ಸ್ತ್ರಿ ಸಂಘಟನ್ ಸಬಾರ್ ವಾವ್ರ‍್ ಕರ‍್ತಾತ್. ಸಾಂಗಾತಾ ವಾವ್ರ‍್ ಕೆಲ್ಲ್ಯಾ ವರ್ವಿಂ, ಬರಿಂ ಕಾಮಾಂ ಕರುಂಕ್‌ಜಾತಾ ಆನಿ ಫಿರ್ಗಜ್ ಜಿವಾಳ್ ಉರ‍್ತಾ” ಮ್ಹಣ್ ವಾರಾಡೊ ಕಾರ‍್ಯದರ್ಶಿ ತಶೆಂಚ್ ಫಿರ್ಗಜ್ ವಿಗಾರ್ ಬಾಪ್ ಹಾಂಣಿ ಬರೆಂ ಮಾಗೊನ್‌‌ ಅಭಿನಂದನ್ ಪಾಟಯ್ಲೆಂ.

ವ್ಹಡಾಂ ತಶೆಂಚ್ ಭುರ್ಗಿಂ ಸೆರ್ವೊನ್ 250 ಫಿರ್ಗಜ್‌ಗಾರಾಂ ಹಾಜರ್‌ ಆಸ್‌ಲ್ಲಿಂ. ಹಾಜರ್‌ ಆಸ್‌ಲ್ಲ್ಯಾ ಸರ್ವಾಂಕ್ ಪಾವ್ಶಿಲಿಂ ಖಾಣಾಂ ವಾಂಟುನ್‌ ಕಾರ್ಯೆಂ ಸಂಪಯ್ಲೆಂ.