ಸಾಂ ಫ್ರಾನ್ಸಿಸ್ ಆಸ್ಸಿಸಿಕ್ ಸಮರ್ಪಿಲ್ಲಿ ನೈನಾಡ್ ಫಿರ್ಗಜ್, ಮಂಗ್ಳುರ್ ದಿಯೆಸೆಜಿಂತ್ಲ್ಯಾ ಬೆಳ್ತಂಗಡಿ ವಾರಾಡ್ಯಾಂತ್ ಆಸೊನ್, ಮಂಗ್ಳುರ್ ಬೆಳ್ತಂಗಡಿ ರಸ್ತ್ಯಾರ್ ಮೂರ್ಜೆ ಥಾವ್ನ್ ವೇಣೂರು ರಸ್ತ್ಯಾರ್ ಪಾಂಚ್ ಕಿ.ಮೀ. ಪಯ್ಸ್ ಆಸಾ.

   1972 ಇಸ್ವೆಂತ್ ದೆ। ಬಾಪ್ ಲಿಗೋರಿ ಡಿಸೋಜಾ ಮಡಂತ್ಯಾರ್ ವಿಗಾರ್ ಜಾವ್ನಾಸ್ತಾನಾ, ನೈನಾಡ್ ಮಡಂತ್ಯಾರ್ಚೊ ಏಕ್ ವಾಂಟೊ ಜಾವ್ನಸ್‌ಲ್ಲೊ. ಉಪ್ರಾಂತ್ ನೈನಾಡ್ಚ್ಯಾ ಲೊಕಾ ಖಾತಿರ್ ಸಾಂ ಜುಜೆ ಇಸ್ಕೊಲಾಂತ್ ಮಿಸಾಚೆಂ ಬಲಿದಾನ್ ಭೆಟಯ್ತಾಲೆ. 1977 ಇಸ್ವೆಂತ್ ನೈನಾಡಾಕ್ ಫ್ರಾನ್ಸಿಸ್ಕನ್ ಬ್ರದರಾಂಚೆಂ ಯೆಣೆಂ ಜಾಲೆಂ. ಬ್ರದರಾಂಕ್ ಚಾಪ್ಲೇಯ್ನ್ ಜಾವ್ನ್ ಆಯಿಲ್ಲಾ ದೆ।ಬಾ। ಮೈಕಲ್ ನೊರೊನ್ಹಾನ್ ಇಗರ್ಜೆಕ್ ಜಾಗೊ ಸರ್ಕಾರಾ ಥಾವ್ನ್ ಮಂಜೂರ್ ಕರ್ನ್ ಇಗರ್ಜ್ ಬಾಂದುಂಕ್ ಯೋಜನ್ ಘಾಲೆಂ. 1983 ಇಸ್ವೆಂತ್ ದೆ। ಅ| ಮಾ। ದೊ। ಬಾಜಿಲ್ ಸೊಜಾಂನಿ ಬುನ್ಯಾದಿ ಫಾತೊರ್ ಆಶೀರ್ವಾದಿತ್ ಕೆಲೊ. 

ದೆ | ಶ್ರೀಮಾನ್ ರೋಮನ್ ಡಿಸೋಜಾಚ್ಯಾ ಮುಖೇಲ್ಪಣಾರ್ ಇಗರ್ಜೆಚೆಂ ಕಾಮ್ ಆರಂಭ್ ಕರ್ನ್, ಎಕಾಚ್ ವರ್ಸಾ ಭಿತರ್ ಗೊವ್ಳಿ ಬಾಪಾಂನಿ 1984 ಇಸ್ವೆಂತ್ ಉಗ್ತಾವಣ್ ಕೆಲೆಂ. ಉಪ್ರಾಂತ್ ಯಾಜಕಾಂಚ್ಯಾ ವಸ್ತೆ ಘರಾಚೆಂ ಕಾಮ್ ಸಂಪಯ್ಲೆಂ. 1988 ಇಸ್ಟೆಚ್ಯಾ ಮೇ 13 ತಾರಿಕೆರ್, ನೈನಾಡ್ ಸಾಂ ಫ್ರಾನ್ಸಿಸ್ ಆಸ್ಸಿಸಿಕ್ ಸಮರ್ಪಿಲ್ಲಿ ಸ್ವತಂತ್ರ್, ನವಿ ಫಿರ್ಗಜ್ ಜಾವ್ನ್ ರೂಪಿತ್ ಜಾಲಿ. 

ಫಿರ್ಗಜೆಚೊ ಪಯ್ಲೊ ವಿಗಾರ್ ಜಾವ್ನ್ 

ಬಾಪ್ ಆಂಡ್ರ್ಯು ರೊಡ್ರಿಗಸ್ (1988-89), 

ಬಾಪ್ ರೊನಾಲ್ಡ್ ಕುಟನ್ಹೊ (1989-90), 

ಬಾಪ್ ಚಾರ್ಲ್ಸ್ ಮೊರಾಸ್ (1990-91), 

ಬಾಪ್ ಲೋರೆನ್ಸ್ ರೊಡ್ರಿಗಸ್ (1991-92), 

ಬಾಪ್ ಲ್ಯಾನ್ಸಿ ಡಿಸೋಜಾ (1992- 93), 

ಬಾಪ್ ರಿಚ್ಚರ್ಡ್ ಕುವೆಲ್ಲೊ (1993-2000) 

ಬಾಪ್ ಸಿರಿಲ್ ಡಿಸೋಜಾ (2000-02), 

ಬಾಪ್ ಬೊನಿಫಾಸ್ ಡಿಸೋಜಾ (2002-03), 

ಬಾಪ್ ವಿನ್ಸೆಂಟ್ ಡಿಸೋಜಾ (2003-2010), 

ಬಾಪ್ ಫ್ರೆಡ್ರಿಕ್ ಮೊಂತೇರೊ (2010-2017), 

ಬಾಪ್ ಸಂತೊಶ್ ಮಿನೇಜಸ್ (2017-2020), 

ಬಾಪ್ ಜೆಸುದಾಸ್ ಡಿಕೊಸ್ತಾ (2020-2021),

ಬಾಪ್ ರೊಕ್ಕಿ ರವಿ ಪೆರ್ನಾಂಡಿಸ್ (2021-2022), 

ಬಾಪ್ ಅನಿಲ್ ಅವಿಲ್ಡ್ ಲೊಬೊ 2022 ಥಾವ್ನ್ ಆಪ್ಲಿ ಸೆವಾ ದೀವ್ನ್ ಆಸಾತ್. 

     ಮಾ| ಬಾ| ರಿಚ್ಚರ್ಡ್ ಕುವೆಲ್ಲೊ  ,ಮಾ। ಬಾ। ವಿನ್ಸೆಂಟ್ ಡಿಸೋಜಾ ಆನಿ ಬಾಪ್ ಫ್ರೆಡ್ರಿಕ್ ಮೊಂತೇರೊ ಸಗ್ಳೆ ಆವ್ದೆಂತ್ ಸಾತ್ ವರ್ಸಾಂ ವಿಗಾರ್ ಜಾವ್ನ್, ಫಿರ್ಗಜ್ ಜಿವಾಳ್ ದವರುಂಕ್ ಆನಿ ಜಾಯ್ತಿಂ ಅಭಿವೃದ್ದೆಚಿಂ ಯೋಜನಾಂ ಮಾಂಡುನ್ ಹಾಡ್ಲ್ಯಾಂತ್. ಪ್ರಸ್ತುತ್ ವಿಗಾರ್ ಮಾ| ಬಾಪ್ ಅನಿಲ್ ಅವಿಲ್ಡ್ ಲೊಬೊ ಪಾಟ್ಲ್ಯಾ ಎಕಾ ವರ್ಸಾಂನಿ ಫಿರ್ಗಜೆಂತ್ ಆಪ್ಲೊ ವಾವ್ರ್ ಆನಿ ಸೆವಾ ದಿತೇ ಆಸಾತ್. ಅಶೆಂ ಸಾಂ ಫ್ರಾನ್ಸಿಸ್ ಆಸ್ಸಿಸಿಚೆ ಮಜತೆನ್ ಫಿರ್ಗಜ್ ಅಭಿವೃದ್ದೆಚ್ಯಾ ಮೆಟಾಂನಿ ಚಲೊನ್ ಆಸಾ.